Victor Da Silva mund të rikthehet te Partizani. Sulmuesi ishte në stadiumin “Arena e Demave”, ku ndoqi nga afër miqësoren e të kuqve me Kukësin.
Sipas asaj që raportohet nga “Panorama Sport”, braziliani është pranë rikthimit te Partizani. Ai do të plotësonte boshllëkun e lënë nga Albers Keko, i cili pësoi dëmtim në Europë.
LEXO EDHE: Situatë absurde, asnjë skuadër si Partizani në Superiore
Kujtojmë se Da Silva ishte golashënuesi kryesor i Partizanit në sezonin 2022/23, kur të kuqtë fituan titullin e fundit kampion. Asokohe shënonte në kampionat 13 gola dhe asistonte 5 të tjerë.
30-vjeçari iu bashkua Partizanit në gushtin e vitit 2022, ndërsa u largua në dhjetorin e vitit tjetër. Për herë të fundit ishte pjesë e Bylisit duke dhënë kontributin e tij në garën për mbijetesën. Gjithsej, në 93 ndeshje të Superiores ka shënuar 27 gola dhe ka asistuar 19 të tjerë.
Da Silva e njeh mirë kampionatin shqiptar, pasi përveç Partizanit dhe Bylisit, ka luajtur edhe për Vllazninë, ku spikati si lojtar.
