Juventusi dhe Roma po shqyrtojnë mundësinë e një shkëmbimi mes Weston McKennie dhe Bryan Cristante. Bardhezinjtë duan të shmangin largimin e McKennie si lojtar i lirë verën e ardhshme dhe po synojnë mesfushorin italian për të rritur elementin kombëtar në skuadër.
Cristante është 30 vjeç, katër vite më i madh se McKennie, dhe konsiderohet një lojtar me përvojë që mund të sjellë stabilitet. Nga ana tjetër, Roma do të siguronte një mesfushor që mund të përshtatet në disa role.
McKennie ishte pranë rinovimit me Juventusin përpara largimit të drejtorit sportiv Cristiano Giuntoli, por kërkesat e larta financiare e ndalën marrëveshjen.
Aktualisht, klubet po negociojnë termat dhe ende nuk ka një marrëveshje përfundimtare. Situata është e hapur dhe pritet të ketë zhvillime gjatë ditëve në vijim.
