Altin Rraklli ishte i ftuar në “A2 CNN” ku foli edhe për rastin e Brajan Grudës. Legjenda e Shqipërisë ka bërë edhe një thirrje për tifozët dhe Federatën Shqiptare të Futbollit, që të mos i fokusojë të gjitha energjitë në raste të tilla të lojtarëve që nuk duan të luajnë për Kombëtaren tonë, por presin prej vitesh një variant tjetër.
“Nuk futem në cështje personale të lojtarit apo familjarëve të Brajan Grudës. I kam dëgjuar deklaratat e tyre dhe të Brajanit, që e ka mendjen te Gjermania. Unë mendoj se Shqipëria duhet të ketë personalitetin e saj, e kemi krijuar dhe duhet ta mbajmë.
Shqipëria duhet të shoh dhe të marrë lojtarët shqiptarë, Gruda është shqiptar, por kur ai thotë që se kam mendjen te Shqipëria dhe do Gjermaninë, ulim shumë personalitetin tonë si Federatë, si futboll dhe si komb që t’i përulemi dhe t’i kërkojmë orë e minutë njerëzve që nuk duan të luajnë për ne, që të luajnë për ne. Është një vendim personal dhe ne duhet ta respektojmë, është e thjeshtë”, tha Rraklli.
