E gjithë vëmendja e muajit tetor është përqendruar te ndeshja mes Serbisë dhe Shqipërisë, e cila do të zhvillohet në Leskovac.
Ky takim pritet me interes të madh, pasi është vendimtar për ecurinë në kualifikimet e Botërorit 2026. FIFA ka vendosur mbylljen e 20% të stadiumit serb, si pasojë e incidenteve të ndodhura në ndeshjen Serbi-Angli.
Shqipëria do të udhëtojë me synimin e vetëm për të marrë një rezultat pozitiv. Sa i përket listës së lojtarëve të grumbulluar, ajo pritet të publikohet ditën e premte nga trajneri Silvinjo.
Vendimi do të merret pas përfundimit të ndeshjeve të javës në Europë, për të parë gjendjen fizike të lojtarëve kuqezi. Në rast të ndonjë dëmtimi, mund të ketë edhe zëvendësime në listën përfundimtare.
Pritet të ketë risi, por edhe rikthime nga Silvinjo, i cili përballet me emergjencë në mbrojtje. Mungesa e Kumbullës është e konfirmuar, ndërsa rrezikon të jetë jashtë edhe Ardian Ismajli.
