Egnatia ka arritur marrëveshjen për transferimin e sulmuesit portugez Afonso Rodrigues. Lajmi është bërë i ditur nga gazeta prestigjioze portugeze “A Bola”, e cila raporton se 23-vjeçari do të nënshkruajë një kontratë prej dy vitesh e gjysmë me rrogozhinasit.
Anësori i djathtë vjen nga radhët e Tondelës, ndërsa më parë ka qenë pjesë e skuadrave si Famalicao dhe Pacos Ferreira.
Si pjesë e marrëveshjes, Tondela ka mbajtur 50% të të drejtave të kartonit të lojtarit për një shitje të mundshme në të ardhmen. Gjatë këtij sezoni në Portugali, Rodrigues u aktivizua në nëntë ndeshje në total, duke përfshirë edhe një përballje si titullar kundër Benficës së trajnerit Jose Mourinho.
Ky afrim vjen në kuadër të përpjekjeve të drejtuesve dhe trajnerit Edlir Tetova për të mbrojtur titullin kampion.
