Pas përfundimit të eliminatoreve, Shqipëria është në pritje të kundërshtarit për “Play Off”-in e Botërorit 2026. Por si funksionon ky raund me eliminim direkt?
12 skuadrat e renditura të dytat në çdo grup do të ndahen në 3 vazo, ndërsa në vazon e katërt do të jenë automatikisht 4 skuadrat fituese të grupeve të Ligës së Kombeve nga edicioni i kaluar.
Ndarja e vazove do të bëhet në bazë të renditjes së FIFA-s që do të publikohet të mërkurën, një ditë përpara shortit që hidhet të enjten në orën 13:00 në Zvicër.
Shqipëria për momentin ndodhet në vazon e dytë, por gjasat janë që Irlanda të na parakalojë në renditjen e FIFA-s dhe të zbresim në vazon e tretë.
Në short do të vendosen përballë ekipet e vazos së parë kundër atyre të vazos së katërt dhe ekipet e vazos së dytë kundër vazos së tretë. Shqipëria do të përballej me një prej skuadrave si Skocia, Çekia, Sllovakia dhe Irlanda. Dhe duke u renditur në vazon e tretë, humbasim të drejtën për ta luajtur gjysmëfinalen në “Air Albania”, por gjithashtu shmangim edhe përballjen me Kosovën që ndodhet në të njëjtën vazo me ne.
Por rruga drejt Botërorit është e vështirë. Edhe në rast se Shqipëria do të kalonte ndeshjen e parë, do të kishte një tjetër finale. Rivali do të ishte një prej fituesve të çiftit nga vazo e 1 dhe e 4, logjikisht Italia, Turqia, Ukraina ose Polonia që shihen si favorite për të kaluar.
tvklan.al
