Mirlind Daku po kalon një periudhë të vështirë në Premier Ligën e Rusisë, ku nuk shënon që prej 20 shtatorit, në barazimin 2-2 ndaj Akronit.
Sulmuesi i kombëtares shqiptare kishte nisur sezonin në formë të shkëlqyer, me 8 gola në 9 ndeshje, por në pesë takimet e fundit nuk ka arritur të gjejë rrugën e rrjetës. Kjo mungesë golash është reflektuar edhe në rezultatet e Rubinit, që në këtë periudhë ka vetëm një fitore dhe tri humbje.
Trajneri Rashid Rahimov ka kërkuar qetësi, duke theksuar se një fazë e tillë është normale për çdo sulmues. Ai ka vlerësuar kontributin e Dakut në lojën e skuadrës, pavarësisht mungesës së golave.
Rubini aktualisht po përpiqet të rikthehet te rezultatet pozitive, ndërsa pritet që Daku të rikthehet së shpejti në listën e realizatorëve.
Kujtojmë se Daku ishte në listën e Kombëtares nga Silvinjo, për dy ndeshjet e muajit nëntor, ndaj Andorrës dhe Anglisë.
