Kombëtarja e Shqipërisë do të zhvillojë një ndeshje vendimtare ndaj Letonisë në stadiumin “Air Albania”, ku fitorja është e vetmja alternativë për të mbajtur gjallë shpresat e Botërorit.
Për shkak të rregullores së UEFA-s, vetëm 23 lojtarë mund të jenë në dispozicion, ndërsa Silvinjo ka 25 të grumbulluar. Trajneri ka vendosur që në tribunë të dërgojë Myrto Uzunin dhe Maldini Kacurrin.
Sulmuesi i Austin nuk luajti ndaj Gjibraltar për shkak të shqetësimeve fizike dhe është stërvitur i diferencuar.
Sa i përket Kacurrit, mbrojtësi i ri ishte surpriza e ftesës pas largimit të Adrian Bajramit drejt Zvicrës. Ai debutoi në miqësoren ndaj Gjibraltarit si titullar. Për këtë ndeshje zyrtare, 19-vjeçari nuk do të ketë mundësinë të zbresë në fushë.
