Dinamo ka refuzuar të zhvillojë ndeshjen e planifikuar të premten ndaj Teutës në Durrës, e vlefshme për javën e parë të Kategorisë Superiore.
LEXO EDHE: ZYRTARE/ Egzon Belica rikthehet te ish-skuadra
Kryeqytetasit nuk do të kenë në dispozicion Naser Alijin dhe Hekuran Berishën, të angazhuar respektivisht me kombëtaren shqiptare dhe atë të Kosovës U21.
Për këtë arsye, Dinamo kërkon një shtyrje tjetër të takimit. Federata Shqiptare e Futbollit pritet ta spostojë ndeshjen për në mesin e shtatorit. Ky vendim nuk është pritur mirë nga Teuta, e cila kishte bërë përgatitjet për datën e re.
LEXO EDHE: Gafë fatale, ja çfarë thotë rregullorja për rastin në Egnatia-Elbasani
Fillimisht, sfida ishte parashikuar për javën e parë të kampionatit. Megjithatë, për shkak të angazhimeve europiane të Dinamos, ndeshja u shty për 5 shtator. Tani, edhe kjo datë nuk pranohet nga klubi kryeqytetas.
