Emiljano Çela ka nisur aventurën e re, si trajner i Pogradecit. Në prezantimin e tij para skuadrës, ai nuk i kurseu thumbat ndaj Shpëtim Duros, i cili e pasoi pak javë më parë në stolin e Besës.
Tekniku kryeqytetas, pas mungesës së rezultateve, u shpreh detyrën si trajner i kavajasve e mori pa dëshirë të madhe, pasi nuk e kishte ndërtuar ai skuadrën.
Kjo deklaratë i ka mbetur në mendje Çelës, i cili thumbat e para i hodhi që në prezantim.
“Unë me thënë të drejtën pata kohën e mjaftueshme për t’u menduar, që ta marr ekipin ose jo. Nuk jam nga ata trajnerë që ikin në ekip dhe thonë nuk është ekipi im. Koha ime ishte e mjaftueshme, i kam parë të gjitha ndeshjet tuaja.
I kam marrë të gjitha informacionet e brendshme dhe jashtme. E kam marrë ekipin me dëshirën time më të mëdha, që nga ky moment e quaj ekipi im. Nëse neve arrijmë të bëhemi të gjithë bashkë, do kemi më shumë fuqi, do kemi më shumë rezultate. Unë punën e bazoj te respekti i ndërsjellë”, ka thënë Çela.
/Cna
