Te Partizani vazhdojnë të jenë në kërkim të një trajneri të ri. Të kuqtë kanë vendosur që timonieri të jetë i huaj dhe për këtë arsye, alternativat e përfolura së fundmi janë nga jashtë Shqipërisë.
Pas Francesco Morieros, në skenë ka dalë edhe një trajner serb. Sipas asaj që raportohet nga “Panorama Sport”, Mladen Milinkoviç është një alternativë për stolin.
LEXO EDHE: “Kaos” te Partizani, reagimi i tifozëve: Të japë dorëheqjen…
Milinkoviç mbahet mend në Superiore për eksperiencat te Luftëtari dhe Kukësi. Me 57-vjeçarin, Luftëtari u rendit i katërti në edicionin 2016/17, fill pas skuadrave si Kukësi, Partizani dhe Skënderbeu. Asokohe me të në krye, spikasnin lojtarë si Bregu, Rroca dhe Abazaj. Në 40 ndeshje me Milinkoviçin, Luftëtari fitoi dhe barazoi nga 12 ndeshje, ndërsa humbi 16 sfida. Golavarazhi ishte 41:52.
Pas Luftëtarit firmosi me Kukësin. Te këto të fundit qëndroi për 16 javë të kampionatit në krye. Kukësi fitoi 7 ndeshje, barazoi 4 dhe humbi 5 sfida. Verilindorët mbanin vendin e katërt deri në atë moment dhe largimi i Milinkoviç erdhi në dhjetor.
