Sokol Haxhia ka dhënë dorëheqjen nga posti i drejtorit teknik te Partizani.
Ky vendim vjen menjëherë pas dorëheqjes së trajnerit Skënder Gega.
Situatë kaotike te “demat”, e cila vjen menjëherë pas eliminimit në turin e parë të Conference League.
“Ka qenë një nder dhe përgjegjësi e madhe të kontribuoja gjatë kësaj periudhe në zhvillimin e Partizanit. E lë me krenari që dhash më të mirën time për këtë klub historik. Faleminderit të gjjithëve ju që më mbështetët në këtë rrugëtim. Futbolli vazhdon… gjithmonë me pasion”, shkruan Haxhia.
Rikujtojmë që Haxhia e mori detyrën më 29 mars ku u prezantua nga klubi, po aventura nuk zgjati shumë.
Rikujtojmë që ai dikur ka qenë futbollist i Partizanit dhe u rikthye në shtëpi pas një karriere të gjatë në menaxhim.
