Francesco Moriero mund të jetë pasuesi i Skënder Gegës në stolin e Partizanit.
Për momentin, italiani qëndron në krye të listës së drejtuesve.
Ai e njeh mirë Superioren, sepse sezonin e fundit ishte në stolin e Laçit.
Trajneri italian qëndroi për 31 ndeshje në krye të kurbinasve ku u regjistruan 9 fitore, 11 barazime dhe po aq humbje. Golavarazhi ishte 31 gola të shënuar dhe po aq të pësuar. Laçi nuk ia doli në fund të sigurojë mbijetesën, ndërsa për një pjesë të sezonit Moriero kishte si ndihmës Oltijon Kërnajën. Ky i fundit ka tashmë drejtimin e ekipit B te Partizani.
Moriero po ashtu më parë ka qenë trajner për një kohë të shkurtër te Dinamo.
