Akoma pa filluar merkato e janarit, Tirana ka piketuar transferimin e parë. Bardhebluve do u shtohet Johan Kortes. Ky i fundit e mbylli me Liberian në Kosta Rika dhe është gati për eksperiencën e parë në Europë.
Mbrojtësi 26-vjeçari bëri mirë në vendin e tij, ndërsa tashmë do shtojë forcat te Tirana. Kortes zbuloi edhe se ka biseduar me lojtarin e Partizanit, Karlos Martinez, për kryeqytetin e Shqipërisë. Po ashtu edhe kërkimet e tij për klubin kryeqytetas.
“Nga sa di dhe kam hulumtuar, ndodhet në kryeqytet, është klubi më i suksesshëm i Shqipërisë dhe ai që ka më shumë tituj.
Tani duhet ta shfrytëzoj këtë mundësi të bukur që më është dhënë.
Drejtori sportiv i tyre pa disa ndeshje të miat dhe kontaktoi mikun tim për ta pyetur. Më pas folën me përfaqësuesin tim dhe gjithçka u realizua në mënyrën më të mirë.
Kemi parë raste të lojtarëve që largohen dhe e kanë të vështirë. Shpresoj të jem përjashtim dhe të mos kthehem kaq shpejt.
Nga njëra anë jam mësuar, që nga mosha 16-vjeçare jetoj larg familjes sime. Mendoj se nga ky aspekt jam i mësuar, por ndoshta gjuha do të më kushtojë pak.
Me gjithçka njeriu mësohet dhe do të jap më të mirën time. Gjithashtu kam folur me Karlos Martinez, i cili më ka thënë se atje është shumë bukur”, u shpreh futbollisti më i ri i Tiranës.
