Situata e Mario Mitajt tek Al Ittihad duket se po ndryshon, pas një periudhe të vështirë ku u sakrifikua për shkak të limitit të lojtarëve të huaj.
Mbrojtësi i Kombëtares shqiptare, mbeti shpesh jashtë planeve të stafiit që favorizonin emrat e ardhur nga Premier League.
Megjithatë, largimi i papritur i Karim Benzemasë drejt rivalëve të Al-Hilal ka liruar një vend të rëndësishëm në listën e lojtarëve të huaj. Ky ndryshim i jep mundësinë Mitajt të aktivizohet rregullisht dhe të rifitojë ritmin e duhur sportiv.
Hapësira e re në skuadër vjen në një moment kritik për mbrojtësin 22-vjeçar. Aktivizimi i tij do të jetë vendimtar që ai të jetë në 100% të formës për ndeshjet finale të Shqipërisë në mars.
Tashmë pritet që drejtuesit e klubit verdhezi t’i besojnë më shumë minuta talentit shqiptar në krahun e majtë.
