Mbyllja e vitit 2025 nuk do të jetë aspak e lehtë për Partizanin. Arafat Doumbia nuk është në dispozicion të skuadrës për sfidën me Flamurtarin dhe jo vetëm.
Rikthimi i tij pritet në janarin e vitit 2026, bashkë me fillimin e pjesës së dytë të sezonit. Doumbia u dëmtua në derbin me Tiranës, ndërsa të kuqtë po fitonin me rezultatin 0-2.
LEXO EDHE: Goditje e bujshme nga klubi i Superiores, gati firma me sulmuesin e Shqipërisë
Mesfushori nga Bregu i Fildishtë duhet të largohej nga fusha e blertë pikërisht në minutën e 80-të.
Shkak për këtë zëvendësim u bë ndërhyrja e Rafas nga ekipi i Tiranës, ndërsa Doumbia po i drejtohej zonës së bardhebluve. Vendin e Doumbias ndërkohë e merrte sulmuesi Diego Kontreras.
LEXO EDHE: Humbja në kampionat, “tërmet” te klubi i Superiores
Për Partizanin shikohet si humbje e madhe para Flamurtarit, duke pasur parasysh se Redon Ismaili është po ashtu mungesë e sigurt.
Ky i fundit plotësoi numrin e kartonëve të verdhë në derbi. Mesfusha duhet të ribëhet dhe llogaritë nisin nga fantazisti Rouen Hjumen.
