Flamurtari ndryshoi trajnerin, duke emëruar Francesco Morieron. Megjithatë vlonjatët pritet të pësojnë ndryshime të tjera.
Drejtuesit e Flamurtarit kanë vendosur që në pozicionet e zëvendëstrajnerëve të vazhdojnë Lejdi Liçaj dhe Andi Ribaj. Ndërkohë, në dilemë mbetet e ardhmja e drejtorit sportiv Artim Pollozhani, i cili ka pasur përgjegjësinë e merkatos.
Në Vlorë po flitet për ndryshime të mundshme në drejtim. Një nga emrat që përmendet për këtë detyrë është Arbër Abilaliaj, ish-drejtor i Partizanit.
Ai e njeh mirë ambientin e klubit dhe ka marrëdhënie të mira me administratorin Sinan Idrizi. Abilaliaj mund të rikthehet në Vlorë, pasi u largua së fundmi nga skuadra e kuqe.
