Shqipëria po përgatitet për ndeshjen ndaj Serbisë, e vlefshme për kualifikueset e Botërorit. Trajneri Silvinjo do të zhvillojë provat e fundit në Leskovc dhe pritet të përcaktojë formacionin përfundimtar.
Në portë do të jetë Strakosha, ndërsa në mbrojtje do të luajnë Hysaj dhe Mitaj në krahë, me Ajetin dhe Gjimshitin në qendër.
Mesfusha pritet të përbëhet nga Ramadani, Asllani dhe Shehu.
Në repartin ofensiv, Broja do të jetë titullar në të djathtë, ndërsa Manaj do të mbajë peshën e sulmit në qendër.
Për krahun e majtë, balotazhi është mes Bajramit dhe Hoxhës, me këtë të fundit që shihet më pranë formacionit. Hoxha ka treguar formë të mirë në klub, ndërsa Bajrami ende nuk ka arritur të gjejë vazhdimësi me Rangers.
