Milos Stojanoviç ka firmosur me Hapoel Afulën në Izrael, duke i dhënë fund aventurës së tij në futbollin shqiptar.
Ish-mbrojtësi i Vllaznisë u largua pas përfundimit të sezonit të kaluar, pavarësisht se kishte qenë lider i mbrojtjes në dy edicionet e fundit. Ai do të vazhdojë karrierën në ligën e dytë izraelite.
Futbollisti serb është 28 vjeç dhe ka një përvojë pesëvjeçare në Shqipëri. Gjatë kësaj kohe ka qenë pjesë e Bylisit, Kastriotit dhe së fundmi Vllaznisë.
Largimi i tij nga kuqeblutë ishte një nga ndarjet më të papritura të verës. Për Stojanoviç kjo është eksperienca e parë në futbollin izraelit. Hapoel Afula është një skuadër që prej disa sezonesh garon në ligën e dytë.
