Tirana nuk ka humbur kohë, për të gjetur zëvendësuesin e sulmuesit të larguar Emanuel Ernest, teksa ka firmosur me Alfred Mensah, i cili pak më parë u largua nga Vllaznia, teksa do të nisë një aventurë te re.
Sulmuesi ganez është vënë menjëherë nën urdhrat e trajnerit Vangjel Mile.
Vlen të theksohet fakti se në të kaluarën Mesnah, ka qenë pjesë edhe e Skënderbeut dhe Partizanit, ku u shpall edhe kampion në vitin 2023 me “Demat e Kuq”.
Në total 26-vjeçari numëron 144 prezenca në Superiore, ku ka shënuar 25 gola si dhe 19 ndeshje në Kupën e Shqipërisë ku ka gjetur 8 herë rrugën e rrjetës.
