Partizani zhvilloi seancën e fundit stërvitore në prag të takimit ndaj Vllaznisë.
Seanca u mbajt në ambientet e “Shtëpisë së Futbollit”, duke u zhvendosur nga “Arena e Demave”. Ky vendim u mor për t’u përshtatur me barin natyral, njësoj si fusha e Shkodrës ku do të luhet ndeshja.
Pushimi i kombëtareve u shfrytëzua nga Partizani për të zhvilluar një miqësore me Besën në stadiumin “Niko Dovana”. Stafi dhe lojtarët kërkojnë ambientim maksimal për transfertën e rëndësishme ndaj Vllaznisë.
Trajneri Milinkoviç e kishte paralajmëruar këtë lëvizje pas takimit me Teutën. Objektivi i kryeqytetasve mbetet marrja e maksimumit në këtë ndeshje. Përgatitjet janë përqendruar kryesisht tek adaptimi me kushtet e fushës.
