Andrij Shevçenko është përfshirë në akuza për skandal dopingu në përfaqësuesen e Ukrainës.
Gazetari Igor Burbas raportoi se Mikhailo Mudrik ka rezultuar pozitiv në testet e UEFA-s pas ndeshjeve me Gjeorgjinë dhe Shqipërinë.
Sipas tij, para këtyre sfidave lojtari ishte në gjendje jo të mirë fizike dhe mjeku i ekipit i ka injektuar qeliza staminale.
Kjo metodë thuhet të jetë aprovuar nga presidenti i federatës, Shevçenko, i cili e përdor rregullisht edhe për veten e tij. Pas trajtimit, Mudrik luajti ndaj Shqipërisë, por doli pozitiv në testet antidoping dhe rrezikon deri në katër vite pezullim.
Situata u zbulua nga klubi i Shakhtar Donetsk, i cili po heton rastin. Pezullimi i mundshëm i lojtarit mund t’i kushtojë klubit 30 milionë euro nga klauzolat e transferimit te Chelsea.
Për këtë arsye, Shakhtar po shqyrton mundësinë për ta paditur Shevçenkon për dëmin e shkaktuar.
