E shtuna duket se qenka dita e shqiptarëve. Pas Mario Mitajt, një tjetër lojtar i Kombëtares ka gjetur rrugën e rrjetës.
Arbër Hoxha shënoi një supergol në kampionatin kroat për Dinamo Zagreb, në duelin ndaj Rijekës.
Ndeshja ishte fiksuar në rezultatin 1-1, por në minutën e 84-t, Hoxha tregoi aftësitë e tij me një gol të pabesueshëm.
Ai mori topin në krahun e majtë dhe pastaj nga një kënd i pamundur, lëshoi një goditje të kalibruar që shkoi mbi portierin dhe përfundoi në rrjetë, për t’i dhënë përsëri avantazhin ekipit të Dinamos së Zagrebit.
Ky gol, i treti për Hoxhën në këtë edicion, mjaftoi për t’i dhënë fitoren 2-1 Dinamos e cila kësisoj mori përsëri kreun e renditjes.
