Egnatia nuk shkoi më shumë se barazimi 1-1 në transfertë ndaj Vorës, në ndeshjen e vlefshme për javën e 24-t në Superiore.
Në Vorë, ishte një ndeshje me dy tablo, ku pjesa e parë foli për miqtë, ndërsa e dyta për vendasit.
Egnatia gjeti avantazhin në minutën e 18-të, kur Fernando Medeiros shënoi me panenka nga penalltia.
Pjesa e parë u mbyll me këtë rezultat. Në fraksionin e dytë, Vora u shfaq me një fytyrë tjetër, duke kërkuar barazimin.
Pas disa tentativave të dështuara, barazimi erdhi në minutën e 87-të. Kasalla shënoi për 1-1, duke bërë që të shpërthejë festa te vendasit.
Rezultati nuk ndryshoi deri në fund, me dy ekipet që u detyruan të ndajnë nga një pikë mes tyre.
SHIKONI GOLAT DHE RASTET:
Me këtë barazim, Egnatia mban vendin e dytë me 43 pikë, ndërsa Vora renditet në vendin e shtatë me 26 pikë të grumbulluara.
