Kriza e Armando Brojës te Burnley është thelluar, pasi sulmuesi shqiptar është lënë jashtë skuadrës për të dytën ndeshje radhazi.
Edhe pse bëhej fjalë për një sfidë të Kupës FA ndaj Mansfield Town, ku zakonisht trajnerët bëjnë rrotacion, Scott Parker ka vendosur që Broja të mos jetë as në stol.
Ky vendim vjen pas lënies në tribunë në Premier Ligë, veprim të cilin Parker e klasifikoi si “vendim teknik”. Situata bëhet mjaft delikate duke pasur parasysh se Burnley investoi shifra të konsiderueshme për ta blerë kartonin e tij nga Chelsea, duke i ofruar një kontratë deri në vitin 2030.
Largimi nga planet e trajnerit në një moment kur klubi rrezikon rënien nga kategoria, ngre pikëpyetje të mëdha mbi të ardhmen e sulmuesit kuqezi.
