Një gabim i rëndë nga portieri i Libisë ndikoi drejtpërdrejt në rezultatin e ndeshjes kundër Kepit të Gjelbër, e vlefshme për kualifikueset e Botërorit 2026.
Libia po fitonte me rezultatin 3-1, por në minutat e fundit ndeshja mori tjetër rrjedhë pas një episodi të pazakontë. Në minutën e 76-të, një pasim i gjatë i Kabral nga Kepi i Gjelbër u duk pa probleme, por topi përfundoi në rrjetë pas një gabimi të portierit Al Ëuhayshi.
Ky i fundit nuk e llogariti saktë trajektoren e topit, i cili kaloi poshtë duarve të tij dhe u ndal në portë. Ky gol i dha Kepit të Gjelbër shpresë për të shmangur humbjen, dhe skuadra arriti të barazojë 3-3 në minutat e fundit.
— follow main: @Futteboleiroos (@futeboleiros32) October 8, 2025
Në rast se fitonte këtë takim, Kepi i Gjelbër do të siguronte një kualifikim historik, për herë të parë në një Botëror.
Tani, përfaqësuesja afrikane do të duhet të presë ndeshjen e radhës ndaj Esëatinit, e parashikuar për të hënën.
Kjo sfidë do të ketë rëndësi historike për vendin me rreth 600 mijë banorë, që ëndërron kualifikimin e parë në një turne botëror.
/tvklan
