Napoli e ka nisur vitin me fitore. Kampionët në fuqi triumfuan 2-0 në transfertë ndaj Lazios, në duelin e javës së 18-të, në një ndeshje ku nuk mungoi tensioni.
Spinazzola zhbllokoi takimin në minutën e 13-të, ndërsa goli i dytë u shënuar nga Amir Rrahmani. Mbrojtësi shqiptar i Kosovës shfrytëzoi një asist të Politanos, për ta ndalur topin në rrjetë.
SHIKONI VIDEON: Goli i shënuar nga Amir Rrahmani https://vetemsport.com/goli-i-shenuar-nga-amir-rrahmani/
Lazio tentoi të reagojë në pjesën e dytë, por e kishte të vështirë. Kryeqytetasit mbetën me 10 lojtarë në minutën e 81-të, pasi Noslin u ndëshkua me kartonin e dytë të verdhë.
Në fund, u dha nga një karton të kuq për secilën skuadër, pas përplasjes së Marusic dhe Mazzochi.
Ky sukses, e ngjit Napolin në vendin e dytë me 37 pikë, ndërsa Lazio renditet në vendin e nëntë me 24 pikë.
