Anis Mehmeti
Anis Mehmeti është një nga sulmuesit më në formë të Kombëtares, duke treguar paraqitje shumë të mira dhe konstante. Megjithatë pavarësisht kësaj, ai nuk është grumbulluar nga trajneri Silvinjo.
Në nisje të këtij sezoni ai vazhdon të spikasë me paraqitjet e tij në Championship. Në ndeshjen Bristol–Charlton, e cila përfundoi pa gola, Mehmeti ishte një nga lojtarët më aktivë në sulm.
Ai pati një mundësi të artë shënimi në pjesën e dytë, kur goditja e tij u ndal nga traversa. Futbollisti shqiptar mbetet ndër elementët kryesorë të skuadrës së Bristolit. Klubi e ka vlerësuar si lojtar të rëndësishëm dhe ka refuzuar interesimet e tjera për të.
Mehmeti vazhdon të jetë një pikë referimi në ofensivën e ekipit. Paraqitjet e tij të vazhdueshme e mbajnë mes emrave kryesorë të skuadrës angleze.
