Nicola Zalewski do të vazhdojë karrierën tek Atalanta. Klubi bergamask ka arritur marrëveshjen me Interin, për transferimin e mbrojtësit të djathtë.
Polaku u bashkua me Interin në janar nga Roma, ndërsa në muajin qershor klubi zikaltër e bleu për 6.5 milionë euro.
Megjithatë, tek Interi kanë arritur të fitojnë një shifër të mirë, pasi transferimi tek Atalanta do të mbyllet për 17 milionë euro.
Në orët e ardhshme, Zalewski do të udhëtojë drejt Bergamos, për vizitat mjekësore.
