Ndeshja mes Vardarit dhe Bashkimit përfundoi me fitoren minimale 1-0 të vendasve, por takimi u “njollos” nga incidentet e rënda raciste dhe dhuna.
Sfida u ndërpre në minutat e fundit pasi tifozët e Vardarit lëshuan thirrje dhe ofendime në kor ndaj shqiptarëve.
Tensioni nuk u shua me mbylljen e lojës, pasi pas vërshëllimës finale pati përplasje fizike mes forcave të policisë maqedonase dhe stafit të klubit të Bashkimit.
Pavarësisht këtyre skenave, Vardari siguroi tri pikët që e mbajnë në krye të klasifikimit me nëntë pikë më shumë se Struga dhe Shkëndija. Këto dy të fundit do të luajnë ndeshjet e tyre të radhës nesër.
