Skënderbeu triumfoi 2-1 ndaj Kukësit, në ndeshjen e vlefshme për javën e 23-të në Kategorinë e Parë.
Korçarët e nisën vrullshëm takimin dhe gjetën avantazhin që në minutën e 7-të, me të përhershmin Saleh Nasr.
Fraksioni i parë u mbyll me këtë rezultat, ndërsa pjesa e dytë ishte edhe më e luftuar. Kukësi barazoi shifrat me Birçajn në minutën e 82-të.
Verilindorët u hodhën në sulm për përmbysjen, por e pësuan. Klevis Shaqe riktheu avantazhin e juglindorëve në minutën e 91-të, duke i dhënë fitoren ekipit të tij.
Me këtë sukses, Skënderbeu mban kryesimin me 54 pikë, 3 më shumë se Laçi i vendit të dytë. Kukësi mban vendin e fundit me 15 pikë dhe rrezikon rënien.
