Interi fitoi 2-1 ndaj Hellas Veronës, falë një autogoli në minutën e 94-t. Siç është bërë e shpeshte në këtë fillim sezoni, polemikat nuk munguan as në këtë përballje.
Në minutën e 66-të, një nga futbollistët e Veronës u nis në drejtim të portës, por u ndal në mënyrë të parregullt nga Bisseck.
Mbrojtësi i Interit ishte lojtari i fundit dhe në çdo vend do të ndëshkohej me karton të kuq. Megjithatë arbitri Doveri, i cili shpesh është akuzuar si tifoz i Interit, dha vetëm karton të verdhë.
Te Verona nuk i besuan syve, me lojtarët dhe trajnerin që vunë duart në kokë.
