Interi triumfoi 2-1 ndaj Veronës në transfertë, në duelin e vlefshëm për javën e 10-të. Zikaltërit iu falën një autogoli në fund, për të marrë një fitore të vuajtur.
Për skuadrën e Chivut, ndeshja nisi shumë mirë, pasi gjeti avantazhin në minutën e 16-të me Zielinskin.
Megjithatë, miqtë ia dolën të barazojnë shifrat në minutën e 40-të me Giovane. Kur dukej se ndeshja do të mbyllej në barazim, erdhi episodi që vulosi takimin.
Një krosim nga Barella në zonë, gjeti një devijim të pafat nga Frese, i cili shkaktoi autogol, duke e dërguar topin në portën e tij.
Me këtë fitore, Interi ngjitet në vendin e tretë me 21 pikë, ndërsa Verona renditet në vendin e 18-të me pesë pikë.
