Vitet kalojnë, por klasi te Odise Roshi nuk ka ndryshuar. Futbollisti shqiptar gjeti sërish rrugën e rrjetës në Turqi.
34-vjeçari është pjesë e Keciorengucu në Ligën e Parë dhe shënoi golin e vetëm në humbjen 1-2 ndaj Igdir.
Roshi shënoi me roveshatë në fundin e pjesës së parë, për të barazuar përkohësisht rezultatin.
Në 14 ndeshje të luajtura këtë sezon, shqiptari ka shënuar dy gola, ndërsa ka dhënë edhe dy asiste.
Roshi e njeh mirë kampionatin, pasi aty ka luajtur me Erzurumspor, Sakaryaspor dhe Boluspor.
