Vllaznia regjistroi fitoren e gjashtë radhazi në Kategorinë Superiore, duke mposhtur Vorën me rezultatin minimal 1-0 në javën e 23-të.
Sfida u vendos nga një gol i Sherif Kallakut në minutën e parë shtesë të pjesës së parë. Mesfushori shkodran realizoi me një goditje të saktë me të majtën, nga jashtë zone.
SHIKONI GOLIN:
Në pjesën e dytë, Vllaznia administroi avantazhin dhe kërkoi golin e dytë. Vora tentoi të reagojë dhe krijoi disa raste, por pa arritur të shënojë.
Portieri Pohls dhe mbrojtja shkodrane ruajtën portën të paprekur. Me këtë fitore, Vllaznia kryeson renditjen me 45 pikë. Vora mbetet në vendin e shtatë me 25 pikë.
SHIKONI RENDITJEN: RENDITJA E KATEGORISË SUPERIORE
Partizani regjistroi një fitore dramatike ndaj Bylisit, me rezultatin 2-1, në transfertë.
Të kuqtë e nisën ndeshjen me vështirësi të mëdha dhe u ndëshkuan në minutën e 30-të, kur Sandeu i dha avantazhin ballshiotëve.
Pjesa e dytë ishte e qetë, deri në minutat e fundit. Toma barazoi shifrat në minutën e 81-të, ndërsa Human realizoi golin e përmbysjes në minutën e 91-të.
Me këtë sukses, Partizani mban vendin e pestë me 30 pikë, ndërsa Bylis mbetet në vendin e tetë me 20 pikë.
