Ajeti shënoi dy golat e parë të takimit, në minutat 11 dhe 43. Kështu mbrojtësi, shkon në kuotën e 3 golave sezonalë në Ligën e Parë.
Po ashtu, Seferi, ishte protagonist te dy golat e fundit. Sulmuesi fillimisht dha asist te goli i Habesoglu në minutën e 69-të, ndërsa 7 minuta më vonë rrugën e rrjetës e gjeti vetë, duke vulosur ndeshjen në 5-0.
Sulmuesi tashmë numëron 13 gola të shënuar dhe pesë asiste.
Më herët, ishte Odise Roshi, që gjeti rrugën e rrjetës. Futbollisti fierak shënoi golin e tretë, në fitoren e Keciorengucu ndaj Bandirmaspor, me rezultatin 3-1.
Roshi shkon në kuotën e katër golave të shënuar këtë sezon, ndërsa numëron edhe tre asiste.
