Dynel Simeu është aktualisht lojtar i lirë, pasi ka ndërprerë bashkëpunimin me Teutën.
Qendërmbrojtësi 23-vjeçar zhvilloi 16 ndeshje me skuadrën durrsake, ku arriti të realizonte edhe një gol.
Ai iu bashkua Superiores në Shqipëri me pritshmëri të larta, duke ardhur si ish-lojtar i Chelsea-t, klub që e kishte shitur dikur për 1.75 milionë euro.
Megjithatë, dëmtimet e shpeshta kanë ndikuar në vazhdimësinë e karrierës së tij. Edhe në periudhën te Teuta, Simeu nuk ka qenë pjesë e ekipit që nga muaji mars i këtij viti. Tashmë ai është në kërkim të një destinacioni të ri për të vijuar rrugëtimin profesional.
Karriera e tij ka njohur ndalesa të shpeshta për shkak të problemeve fizike, që e kanë penguar të shfaqë potencialin e plotë.
