Arsid Kruja është larguar zyrtarisht nga Vllaznia. I afruar më 30 maj, aventura e mesfushorit ka zgjatur vetëm dy muaj e gjysmë.
Drejtuesit nuk kanë qenë të kënaqur me paraqitjet e tij në ndeshjet europiane.
Trajneri Martini i reduktoi ndjeshëm minutat e lojës, përfshirë edhe ndeshjen ndaj Vikingur, ku u aktivizua në pjesën e dytë dhe u zëvendësua në shtesë.
Kruja ishte lojtari më i mirë i Superiores sipas të dhënave të “SofaScore”.
Për këtë arsye afrimi i tij te Vllaznia u konsiderua fillimisht si një përforcim i rëndësishëm. Megjithatë, klubi duket se ka ndryshuar qëndrim për të ardhmen e tij.
