Bernard Berisha është prezantuar si lojtari më i ri i Dinamo City. Ai rikthehet në futbollin shqiptar pas gati një dekade, pasi më parë ka qenë pjesë e Besës së Kavajës dhe Skënderbeut.
Sulmuesi vjen si zëvendësues i Baton Zabërgjës, i cili do të vazhdojë karrierën në Ukrainë.
Pas marrëveshjes së arritur ditë më parë, Berisha është prezantuar me fanellën e Dinamos. Ai do t’i bashkohet ekipit para ndeshjeve të “play-off”-it të Conference League kundër Jagiellonias.
Sulmuesi njihet për eksperiencën dhe kualitetin e tij në repartin ofensiv. Në Dinamo City, ai do të mbajë fanellën me numrin 23.
