FIFA ka zyrtarizuar ndryshime për kalendarin e vitit 2026. Në muajt shtator dhe tetor do të ketë vetëm një periudhë pushimi për klubet, ndryshe nga dy që ishin deri më tani.
Ky pushim do të zgjasë nga 21 shtatori deri më 6 tetor. Gjatë kësaj kohe, kombëtaret do të kenë mundësi të zhvillojnë deri në katër ndeshje.
Kjo u jep ekipeve kombëtare më shumë kohë për të qëndruar të grumbulluara. Nga ana tjetër, klubet do të jenë jashtë aktivitetit për tre javë.
Vendimi erdhi pas ankesave të shumta të klubeve për ngarkesën. Objektivi është të lehtësohet lodhja e futbollistëve me angazhime të shumta.
