Klubi i Bylisit ka njoftuar zyrtarisht largimin e dy futbollistëve rëndësishëm në fund të merkatos.
Anësori i majtë, Alex Peralta, është transferuar te skuadra e Flamurtarit pas një marrëveshjeje të arritur mes dy klubeve.
Njëkohësisht, ballshiotët kanë konfirmuar edhe largimin e ish-kapitenit Marin Abazaj, i cili do të vijojë karrierën te Pogradeci në Kategorinë e Parë.
Përmes një komunikate në faqen zyrtare, klubi ka falënderuar lojtarët për kontributin e dhënë dhe u ka uruar suksese në ekipet e tyre të reja. Këto lëvizje vijnë në një moment ku skuadrat po riorganizohen për fazën vendimtare të kampionatit.
Transferimi i Peraltës te Flamurtari shihet si një përforcim i drejtpërdrejtë për rivalët në garën për mbijetesë.
Ndërkohë, Abazaj zgjedh të kontribuojë për skuadrën e vendlindjes në luftën për t’u ngjitur në elitë.
