Klubi i Kukësit ka përforcuar organikën e tij me dy afrime të reja në ditët e fundit të merkatos së dimrit, me synimin për të siguruar mbijetesën.
Sipas raportimeve të fundit, verilindorët kanë arritur marrëveshjen për afrimin e sulmuesit Tajo Abiodun dhe mbrojtësit Gabriel Shepanski. Abiodun vjen si huazim nga skuadra e Skënderbeut për të shtuar opsionet në repartin e avancuar të ekipit.
Ndërkohë, 22-vjeçari brazilian Shepanski do t’i bashkohet mbrojtjes, një repart ku Kukësi ka shfaqur probleme gjatë kësaj pjese të sezonit.
Këto lëvizje vijnë pas fitores së fundit ndaj Besës, e cila ka rritur optimizmin brenda kampit verilindor.
Zyrtarizimi i lojtarëve pritet të bëhet në orët në vijim, pasi të plotësohet dokumentacioni përkatës. Me këto përforcime, stafi teknik synon të rrisë konkurrencën dhe cilësinë për pjesën e mbetur të kampionatit.
Klubi mbetet aktiv në treg për të shfrytëzuar çdo mundësi tjetër deri në mbyllje të afatit kalimtar.
