Në prag të grumbullimit të shtatorit, Kombëtarja U-21 do të ketë një emër të ri në listë.
Alban Bushi ka thirrur për herë të parë 21-vjeçarin Xhezahir Avduli. Mbrojtësi i majtë ka zgjedhur të përfaqësojë Shqipërinë, duke lënë pas Maqedoninë e Veriut.
Avduli aktivizohet me skuadrën e Arsimit në kampionatin elitar maqedonas. Lajmi për grumbullimin e tij është konfirmuar edhe nga klubi ku luan.
Shqipëria U-21 do të zhvillojë dy ndeshje miqësore në shtator. Më 5 shtator do të përballet me Gjermaninë, ndërsa më 8 shtator me Zvicrën. Këto duele do të shërbejnë si test për skuadrën kuqezi.
