Klubi i Laçit ka zyrtarizuar zgjatjen e bashkëpunimit me mbrojtësin Arlind Kurti, i cili ka firmosur një kontratë të re që e lidh me bardhezinjtë deri në vitin 2028.
21-vjeçari është shndërruar në një kolonë të rëndësishme të prapavijës kurbinase, duke treguar një nivel të lartë loje në Kategorinë e Parë.
Sipas faqes së specializuar “Transfermarkt”, vlera e tij në treg kap shifrën e 400 mijë eurove, duke e bërë një nga lojtarët më të vlefshëm të kampionatit.
Kurti është gjithashtu një element fiks në formacionin e Kombëtares Shqiptare U-21 të drejtuar nga Alban Bushi.
Ky rinovim vjen në një moment kyç për Laçin, që aktualisht renditet në vendin e dytë me 39 pikë dhe synon me ngulm rikthimin e menjëhershëm në elitën e futbollit shqiptar.
