Teuta ka njoftuar zyrtarisht ndërprerjen e bashkëpunimit me mesfushorin polak Jakub Myszor.
Sipas komunikatës së klubit durrsak, vendimi për mbylljen e kontratës është marrë me mirëkuptim mes palëve dhe hyn në fuqi menjëherë.
Ky largim pason atë të sulmuesit Mario Beshiraj, duke vijuar kështu ndryshimet në përbërjen e skuadrës gjatë merkatos së janarit.
Myszor i bashkohet listës së lojtarëve që janë larguar nga Durrësi gjatë kësaj periudhe, ku përfshihen emra si Arbër Çyrbja, Hugo Vidal dhe Renaldo Torraj.
Klubi ka falënderuar futbollistin për angazhimin e treguar gjatë kohës që ishte pjesë e ekipit.
