Sulmuesi Agim Zeka ka mbyllur bashkëpunimin me klubin spanjoll Real Murcia, duke ndërprerë kontratën.
27-vjeçari, i cili u transferua në Spanjë gjatë merkatos së verës, nuk arriti të gjente hapësirat e mjaftueshme për shkak të një dëmtimi të rëndë në fillim të sezonit. Gjatë kësaj periudhe, Zeka u aktivizua në vetëm dy ndeshje zyrtare, një në kampionat dhe një në Kupën e Mbretit.
Ish-lojtari i Partizanit, i cili u largua nga të kuqtë në korrik të vitit 2025, mbetet tashmë një futbollist i lirë në treg.
Zeka njihet edhe për ftesën e marrë nga trajneri Silvinjo në Kombëtaren Shqiptare gjatë vitit 2024, ndonëse nuk u aktivizua në fushë. Pritet të shihet se cili do të jetë destinacioni i radhës për karrierën e sulmuesit të krahut.
