Punimet për ndërtimin e stadiumit të ri të Kamzës në zonën e Valiasit po vijojnë me ritme intensive.
Ky projekt, i cili realizohet në bashkëpunim të qeverisë me Federatën Shqiptare të Futbollit , synon të krijojë një infrastrukturë moderne sipas standardeve të IFAB dhe FIFA-s.
Stadiumi do të ketë një fushë sportive me sipërfaqe prej 8,030 m² dhe një godinë funksionale prej 1,462 m².
SHIKONI VIDEON SI DUKET: Stadiumi i ri në Valias https://vetemsport.com/stadiumi-i-ri-ne-valias/
Kapaciteti i parashikuar për tifozët është 3,000 ndenjëse, ndërsa projekti përfshin edhe të gjithë infrastrukturën ndihmëse për zhvillimin e aktiviteteve sportive.
Ky investim vlerësohet si një hap i rëndësishëm për zhvillimin e sportit në zonë dhe përmirësimin e kushteve për komunitetin.
Përfundimi i punimeve do t’i japë qytetit të Kamzës një impiant sportiv bashkëkohor për ndeshjet e të gjitha niveleve.
