Arshonzh Bintsuka rikthehet pas tre muajsh mungesë te Partizani dhe do të vihet menjëherë nën urdhrat e trajnerit Mladen Milinkoviç.
Sulmuesi do të jetë gati për ndeshjen hapëse të sezonit në Superiore ndaj Vorës, më 24 gusht në “Arenën e Demave”.
Rikthimi i tij shihet si një përforcim i rëndësishëm për qendrën e sulmit, sidomos pas dëmtimit të Skukës dhe afrimit të përkohshëm të Diego Kontreras.
Bintsuka ka punuar individualisht gjatë kësaj kohe në Kongo dhe konsiderohet i gatshëm fizikisht. Në dy sezonet e fundit është një nga lojtarët më efikasë të Partizanit, me 17 gola dhe 6 asistime vetëm në sezonin 2023-24.
Së bashku me Carën, ka qenë ndër lojtarët më me ndikim para portës. Kongolezi ka firmosur një kontratë dyvjeçare me opsion rinovimi.
