Paolo Zanetti nuk është më trajneri i Hellas Veronës. Klubi italian zyrtarizoi vendimin përmes një komunikate për shtyp, duke ndërprerë bashkëpunimin pas një viti e gjysmë.
Humbja e rëndë e pësuar të shtunën ndaj Cagliari-t rezultoi vendimtare për shkarkimin e teknikut 43-vjeçar.
Verona aktualisht mban vendin e fundit në renditjen e Serisë A, gjë që detyroi drejtuesit të kërkojnë një ndryshim në stol për të tentuar mbijetesën.
Deri në emërimin e trajnerit të ri, skuadra i është besuar përkohësisht trajnerit të ekipit Primavera, Paolo Sammarco. Klubi falënderoi Zanettin për punën e bërë dhe i uroi suksese në karrierën e tij të ardhshme.
