Judah Garcia është zyrtarisht lojtar i klubit Ilioupoli në Greqi. Sulmuesi nuk ishte në planet e trajnerit Oltijon Kërnaja te Partizani dhe tani do të vazhdojë aventurën e re larg Shqipërisë.
NJOFTIMI I PLOTË
Klubi Ilioupoli FC njofton blerjen e Judah García-s.
Judah García është nga Trinidad & Tobago, i lindur më 24/10/2000 dhe luan si anësor.
Sulmuesi me përvojë e filloi karrierën e tij profesionale në atdheun e tij me ekipin Point Fortin, përpara se të luante në Indi me NEROCA FC. Në vitin 2021, ai u transferua në Greqi, ku veshi fanellën e AEK B në Super League 2, ndërsa ekipi i tij i fundit ishte KF Partizani shqiptar.
Në nivel ndërkombëtar, Judah ka luajtur për ekipin kombëtar të Trinidad & Tobago-s, duke numëruar 15 paraqitje dhe 3 gola, ndërsa ka përfaqësuar edhe vendin e tij në grupmoshat më të reja (U20, U22).
Judah, mirë se erdhe, të urojmë shëndet dhe shumë suksese me fanellën e ekipit tonë!
